【 親子好去處】 媽媽咪咪嘉年華2018(小朋友篇)

今次第一次參加呢個主辦單位舉行的既嘉年華， 出奇地滿意大會安排 ，例如:接駁巴士/場地大小/人流管制及項目分類等~
等我介紹比大家知
本身媽媽我家住沙田區，所以接駁巴士地點相當方便於我，仲要來回只要手持門票都有得坐，每小時一班

我地坐11點班車，人流唔算多，估計只有25~30人左右

場地好寬闊，人流不多，我呢個孕媽完全行得輕鬆

有好多遊戲及工作坊都可以去預約參加時間，唔洗排長龍慢慢等，其中一個就係Kabrita羊羊公仔，仲會幫你打印埋小朋友3D樣套上去，小朋友就負責為羊羊間屋上顏色

我囝仔之後全程要攬實

再來一個可預約的，寶寶學前學習體驗營，不同時間有不同活動，時間許可,可以參加多個呀

 恐龍去野餐遊戲

 擲骰鬥快去到終點

Swimava 開心海洋樂園闖三關， 只需要將呼拉圈套啱姐姐講嘅動物就可以

Now TV 親子同樂踢世界盃

 用氣墊球踢中龍門

Now TV 繽紛彩繪，可選一個自己喜歡國家國旗畫， 畫完之後影相上載就可以參加抽獎

 禮品種類有好多，

氣墊球 /茶杯套裝 /背囊/貼紙/

 一套兩個大勢cushion/顏色筆等

Playright玩樂區，無時限任玩，呢度係我今日留左最耐既地方，不停玩完又玩

簡簡單單既紙條已經可以玩上半小時

呢個小朋友玩彈床玩到無哂力

休息唔夠5分鐘，又再玩另一個

 波波池玩極都咁開心

 親子彩虹滾滾輪

呢個又愛上左，玩完又排又玩

 美贊臣親親媽咪心意工作坊

 自己製作心意卡

母親節快樂

其實會場內仲有其他遊戲及工作坊，但媽媽我真係唔夠體力啦！我地由12點玩到5點，中間只係食左半小時飯咋

有興趣去玩既就把握最後聽日，如果唔係就要等到下年

地點：亞洲國際博覽館Hall 3

日期及時間：2018年5月11-12日（11am–8pm）及2018年5月13日（10am–7pm）

facebook: 三個男孩一個家

【美食分享】稻香一蚊原隻農家烤雞，供應期有限

稻香每年都會推出「稻香壹蚊雞」，一年一度的優惠每年都極受歡迎，今年更推出「原隻烤農家雞」，原隻上枱用手撕食，皮脆肉滑，特別原汁原味！其實已經好有心思，提供埋手套同剪刀比你

兩人同行以$1即可享用一隻。星期一至五，晚上6時至9時供應(最後5日，供應到10/5)

除左一蚊雞之外，都有好多特價小菜，但要注意既係每間分店質素服務都可能會唔同，我地去既係大圍新翠村商場分店，完全唔伏，好味 熱辣辣

【新玩意開箱文】My Egg Carton Animals

Dicken 生日時收到朋友送來呢份生日禮物，係復活節就開來親子手作一番，套裝內有6套用紙皮造既蛋蛋，一些已裁剪好動物手腳配件，綿花球，水彩，畫筆，膠水及教學製作書籍

Dicken 一開始就要製作粉色小豬

每一步都可參考書整本上再加以調整，每一步小朋友都可獨立完成，好有成功感的

無論那一步驟都可以比小朋友嘗試

你地睇下，Dicken 幾咁滿足

係咁同我講，粉紅豬係佢自己整好

幾日之後就愛上左，每日都話要整，唔夠一星期又整多兩隻小動物出來

銷售地點: 誠品書店(經我查詢之後😁)
售價約$130左右
fb:三個男孩一個家

【親子好去處】觀塘工廈新開親子餐廳 Jungle King

觀塘區近期真係有好多playhouse/party room/親子餐廳，今次我地來到仍然係試業期間既Jungle King，地點係相當為人熟悉既駱駝漆大廈，距離地鐵站只需7-10分鐘路程，開源道更有屯門沙田等巴士有站可落，屬於方便親子活動地點
一入場其實感覺幾好（我係第一位人客到）我早到2:45到，因囝囝訓左覺，自己又大肚，我唔想係樓下等就膽粗粗上去問，可唔可先入座比我等待，職員都好好叫我先坐，同因為清潔中叫我小心地滑
3點開始，陸陸續續有其他客人小朋友到，囝囝都因為開始多人就醒左

一入到波波池，囝囝就講左句🤣點解呢度咁少波波（事實上波波的確比一般場地少）

有兩個方法攀爬上滑梯， 從左邊繩網上或用車呔攀石陣上

經過小吊橋，可到旋轉滑梯

 靜態區:粉筆板牆（牆上有子母、動物及世界名勝磁貼）不過個人就不太喜歡這個，因配套設施做得不足，有6支粉筆套，但只有2支係用到，其他已爛，就算唔用筆套想就咁用粉筆劃，都無

粉刷係刷唔到😑要用掛起更高位置既濕布去刷（小朋友自己係取唔到）

不過對過愛畫畫既小朋友來講，有咁大塊粉筆版牆的確開心

另有小量桌面遊戲

lego牆

男男女女都愛既廚房

唔夠一小時所有小玩具已凌亂不堪

 我地尋日去全場爆滿，可能因為係復活節假加上星期六， 淨係小朋友估計大概有25至30人，當中更有一班6至9歲兒童，基本上小b們係唔夠佢地玩，大人們係唔會理會， 波波池內太擠迫大人唔方便進去每一步睇實，所以如果大家來潮聖，建議唔好帶1歲以下bb，盡量避免假期人多擠迫

 試業期間可自攜食物飲品到場進食（不另收費）或可參考餐廳內餐單

場內有獨立育嬰間，另門口有一個小圖書角（真係好少，得10本書左右）

Jungle King

地址: 觀塘開源道駱駝漆大廈1座12樓C室

電話: 6886 6395（可whatsapp)

收費:【試業期間】入場費每位$40 (大小同價) 1歲以下免費 ，每節任玩3小時

每個時段 Max 60人（我估我尋日就係😥）
只接受預約及現金

營業時間 :
星期一 :休息
星期二至日 : 11:30 – 21:30
每日時段 :
早場 : 11:30 – 14:30
午場 : 15:00 – 18:00
晚場 : 18:30 – 21:30

fb:三個男孩一個家